| 
突然間，籌備超過一年的囍宴已經完滿結束。突然間生活要回復正常，繼續工作，繼續生活，很失落，有點無所適從。 要記下很多感受和感謝的說話   
多謝老公，履行結婚的承諾，無論在甚麼日子都為我製造一個又一個的驚喜! 我很幸運，人生中很早就遇上你，你一直當我係公主咁寵愛我，事事以我為先，令我對我地O既感情充滿信心; 這一年來無論揀衫、揀場地、揀花球老公都樂意參與，而蜜月Research及囍宴rundown更加係佢一手包辦，其實我有點不負責任，只係憧憬蜜月旅行要到希臘小島，卻連小島的名都扣搞不清楚，上年希臘發生騷亂時我更加一度打消希臘蜜月的念頭，是老公的堅持，和他由零開始做research的毅力，我的夢想希臘蜜月之旅才可成真! 蜜月的半個月是我人生中最快樂的時光，快樂不單因為愛琴海、藍頂教堂和巴黎鐵塔，最重要是因為老公在我身邊，我們認定對方，我們可以共同生活，共同有新的人生。 在囍宴上，老公很花心思炮製一個又一個的驚喜，很喜歡很喜歡他在眾人前唱出wonderful tonight，因為他把我平時講的每一句說話都牢牢的記在心裡! 另外，日記那一PART都很感動，我們的日記有8本之多呢，除了在台上讀的那一段，老公找到他第一次說要娶我是2004年，日記是我們戀愛生活非常重要的東西，我們一開始就是無所不談的知己，戀愛後日記記載了我們的感受和開心唔開心的事...... 當然那個兄弟姊妹VIDEO都很窩心，我們度蜜月後距離囍宴只有一個星期，老公就約好兄弟姊妹傾rundown，更到中學、大學、甚至我兒時居所海濱花園拍攝，可以到中學拍攝最難得，聽老公及伴娘講述他們如何於英華校門被蚊叮，被拒於門外，如何哀求校工批准入學校拍攝等等，聽到鼻都酸......    
老公，多謝你，多謝你為我搞了一個完美一生難忘的囍宴 老公，我前世一定係積福多多，今世讓我在人海中遇上你! 你就是我人生中最大的成就! 想起了Kelly這首歌:- 倘那天沒有經過 路中央的咖啡座
倘那天和你不可邂逅 今天可歡笑麼?
沉醉的你 連夢都給我 真的驚喜太多
皇后那樣對待 那樣服從 千般寵愛我! 其實我算任性算大意 絕非懂細心懂太多的女子
你竟人海中飄到此 願領導我日子!
從凝望人已傾倒 芳心已沒有去路
望著你可感覺到 這雙眼內 藏著是幸福地圖!
從回望人已傾倒 今天說話都吞吐
願望裡的戀愛國度 終於都看到!
當晚風又再吹過 熟識的這咖啡座
跟你可同慶祝相邂逅 終於開花結果
微笑因我 流淚都因我 真的感觸太多
皇后也沒這樣美麗傳奇 這般戀愛過! |
| |
| 跟陳耀輝到燭光晚會去了，去之前感覺不算太強烈，去後有很多反思，見到十多萬香港人不畏炎夏焗在維園裡唱歌嗌口號表達對平反六四、中國民主的訴求，很感動，誰說香港人政治冷感? 有日老細話我就快結婚，即將踏入人生另一階段，想幫我拍一段一分鐘的短片晌J2播，平時的我一定狠狠拒絕這拋頭露面的事，但今次我想:「結婚嘛，一生人一次，why not? 」於是我一口答應了...... 今日4時許，新聞部急call需要我們提供石堅演出而我們有excerpt right的粵語長片，搵緊畀佢地之際，又要幫東張西望打電話畀電影公司借片，就這樣一直忙到6時多. 不過看晚間新聞見到石堅的報導有用上我提供的黃飛鴻電影片段都幾有滿足感 最近工作有很多機會，很感恩! |
| |
| 繼上星期五整壞左office部影印機之後，今日我又闖禍了!!! 我整爛左盒master tape! 話說今日我去TC睇其中一套特攝片o既opening，放左盒master tape入機，按play鍵後，突然出現"error"一字，不能eject，不能play，嚇得我即刻叫d手足睇下乜事，點知手足話要落call (call technician來即時修理)，等左漫長o既10分鐘，technician終於到，佢將成部機拆開左，盒master tape被食，最後雖然拎返盒帶出來，但d film有損毀，要再由segment帶過返master帶，而dubbing都要再搞條m/e，唯一慶幸呢集未配音，如果唔係就要重新配過...... (4月26日出街了!) 因為一個動作驚動左咁多部門，要大家幫手執手尾，但手足們都冇怨聲載道，仍然好helpful，我除左講一聲唔該，都冇野可以做到。 今個星期我同d機器真係絕晒交!!! 名副其實做左破壞王!!! 希望唔好再闖d咁大o既wok!!! |
| |
| 
突然間仲有3個幾月就結婚，已經冇時間準備了!!! Setting, MC, 律師都未confirmed...... 不過6月27日個結婚儀式應該係晌我地邂逅o既地方HKU舉行，暫定係Main Building內的Convocation Room! 而d兄弟姊妹都confirmed得7788，大家都一口答應幫忙，多謝多謝! 今日去左Jurlique做背部磨沙，$950一次好肉痛啊!不過為左著d晚裝冇辦法啦~ 未婚夫babe最近好落力做蜜月旅行research，其實我地已經買左來回巴黎的機票，會晌6月30日出發，會晌Paris再去Nice, Florence同希臘，要辛苦未婚夫babe了，因為我唔識plan行程架! 最近公司有d風聲...... 上次我地部門safe，希望今次都大步檻過...... |
| |
| 宜家先寫好似out out地，不過2008年好多事發生左，好想記低佢 求婚&結婚 黃志偉先生晌5月我地拍拖4週年時求左婚，之後我地去左paris同london玩，到7月先開始籌備婚禮，鐵定晌09年6月27日註冊，7月25日擺酒。(誠邀大家出席啊!) 到呢一刻我地影左2輯婚紗相，第1輯一般，第2輯就愛不釋手，於是做左一個瘋狂決定...... confirmed左酒席啦，婚禮拍攝啦，近日忙緊租衫，行左8間Bridal shops，仲未決定......仲要搵make-up artist，好多野搞!但整個過程好有趣~  我試上身後很喜歡，但黃生嫌不夠大體而被迫捨棄的婚紗
新居 黃志偉先生和我已搬到新居，整間屋由我們一起設計，所以很吳鑠蕊很黃志偉! 入伙3個月了! 我地依然自己打掃房子，絕不假手於人架~  聖誕佈置(featuring"拒絕鋼琴聖誕樹")
事業 7月初升左職，今年算係收穫最豐富的一年。今年主力高清翡翠台，參與埋節目編排工作。高清翡翠台的節目採購工作很艱辛很痛苦，一來市場上有HD又好睇既節目唔多，二來HD物料非常惡搞，而且公司機器根本不足以應付數量龐大的HD節目，所以大家都做到苦不堪言，但正因為咁，有機會同其他部門緊密合作，長遠來說對我career有幫助。 11月老闆娘開始參與我地節目採購工作，我們submit每個節目的購買proposal前必須得到她的Approval，要逐個逐個節目向她介紹一遍，將買片程序複雜化，以往用1-2星期就完成negotiation，宜家要用上2個月，大家都好驚買唔切節目而要休台。 2009年經濟未見復甦，節目採購工作依然艱辛，唯有咬緊牙關! 最期待的是我會做June Bride~ |
| |
